Según contan, hai uns anos, en Mera tiñan na súa lagoa unha parella de cisnes. Pasado un tempo decidiron cambiar de lugar, pasaron pola beira de Sada, gustoulleles -como lle pasa a moita xente- e quedaron a morar aquí. Aquí estiveron uns días ata que se enteraron en Mera. Entón leváronnos de novo ó seu lugar de orixe, pero outra vez máis, os paxaros voltaron para Sada, alegrando coa súa beleza a mirada de tódolos paseantes.
Pasean en familia, pero tamén conviven con outras especies. Entre todos non teñen problemas de convivencia. Así o fan, durante o verán e o outono, pasean e deixanse ver preto do areal. Algúns días acércanse tamén á praia de Gandarío coma se fosen saúdar ós bañistas. Van en grupo, en parella, ou pasean e comen tamén sós a beira do río. Sempre en armonía con outras especies.
Descoñezo as veces que se intentou levalos, pero o certo é que coma animais libres que son teñen dereito a escoller o lugar onde queren residir ou asentarse, da mesma forma que o facemos os humano. Para saber cousas de cisnes pincha aquí ou fotos aquí. Tamén che pode interesar o ballet "el lago de los cisnes" de Tchaikovsky.
Moralexa/desexo: Aprendamos os humanos da convivencia destes animais e teñamos paz e armonía.
