A Bica galega é un postre tradicional de Galicia. Hai moitas formas de facela, e cada cociñeira seguro que ten os seus trucos para que sexa a máis rica de todas. Se buscades por internet podedes atopar varias receitas moi parecidas, pero como dixen, cada unha cosas súas cousas. Aquí podedes consultar unha receita e aquí outra. Esta é unha proposta de receita, a ver que vos parece.
Ingredientes para 4 persoas:
- 500 gramos de azucre
- 6 ovos
- 250 gramos de fariña
- 250 gramos de manteiga de vaca
- 250 gramos de masa de pan (pode comprarse na panadaría)
- 1 limón, a ralladura (optativa)
- 40 gramos de azucre glasé
Instrucións de elaboración: Bátese
ben a manteiga co azucre e engádense os ovos un a un sen deixar de
bater para que se mesture ben. A continuación incorpórase a masa de
pan xa fermentada ata que quede ben integrada. Por último engádese
a fariña e a ralladura de limón. Ponse nun molde rectangular
previamente engrasado e forrado de papel barba e espolvorease de
azucre glasé. Cócese no forno a 180º durante unha hora
aproximadamente. Para saber se está cocida pícase cunha agulla que
debe saír limpa. Sacar do forno e deixar arrefriar antes de
desmoldar. Pódese espolvorear, con azucre glasé, novamente para
darlle un toque de cor.
No hay comentarios:
Publicar un comentario